旅行時發現朋友做呢4件事 證明佢係真朋友
一個最理想嘅旅行，除咗食到好味嘅嘢食，瘋狂血拼，去到想去嘅景點同留倩影，最重要嘅都係不外乎有一個同聲同氣嘅朋友同你一齊去。其實想知道一個人係咪真朋友，去旅行可以話係將對方本來嘅面目還原，當然唔係話下下都要計較，不過有時朋友一啲最真實嘅反應，往往可以更加睇到佢究竟有幾重視你，就好似以下呢四件事，如果有朋友曾經咁對你做過，就記得要好好珍惜佢啦。
1.你病咗唔會唔理你
如果係旅行過程中你不幸患病，可能大部份嘅朋友都會選擇俾你喺酒店好好休息，自己再繼續行程，不過如果你嘅朋友願意唔出去留喺酒店陪你，咁難得去到外地都選擇唔玩留低陪你，咁大犧牲證明係你嘅真朋友。
2.咩都冇所謂
有種朋友對於好多嘢冇所謂，完全唔會怕蝕底，甚至乎係咩都俾你揀先，好似比你揀訓邊張床，比你沖涼先，唔自私嘅朋友絕對係真朋友。
3.願意配合飲食習慣
每個人都因為唔同嘅原因有唔同嘅飲食習慣，好似有啲人因為宗教信仰唔可以食牛肉，又有啲人會對海鮮有敏感，如果朋友願意犧牲自己想食嘅嘢陪你食其他嘢，你一定要好好珍惜佢啊。
4.願意配合你的旅遊模式
每個人去旅行嘅方法唔同模式都唔一樣，好似有啲人習慣早睡早起，有啲人就鍾意訓到自然醒，有啲人鍾意將行程排到密一密，又有啲人鍾意休閑遊，如果有一個願意配合你旅遊模式嘅朋友，你真係執到寶啦。
相片來源： carasantana
guangongtravel posted this