旅行時發現呢6件事 證明佢係你的「Soulmate」
好多人都會為自己定下一啲擇偶條件，不過好多時大家都會發現理想中嘅伴侶同現實嘅，有一定差距，揾到之後，有時都唔確定對方係咪就係適合嘅人。其實對於大部分人來講，最渴望嘅係對方同時係伴侶又係soulmate(靈魂伴侶),至於點為之係soulmate,從旅行相處嘅細節都可以睇到，好似以下呢6點。
1.做返自己無難度
每個人係面對其他人時點都會有啲面具，但如果係Soulmate面前，每一分每一秒都唔需要擔心佢會因為你嘅行為又或者係言語而唔鐘意你，因為做返自己先最舒服。
2.沉默不是一個問題
好多時大家都會視沉默為一種尷尬，旅程中怕無話題而擔心對方好無癮，但如果係真正嘅Soulmate，大家係會有一種舒適嘅沉默，咩都唔講就咁一齊看世界已經好足夠。
3.對你喜好了然於心
如果係Soulmate，大家相處得耐自然會對大家好熟悉 ，就算唔講岀口，對方都估到你想去邊或想食D咩，默契自然會培養。
4.付岀唔望回報
好多時對人好，我地自然期望對方都對自己咁好，但如果係Soulmate，就唔會視付岀為一種犧牲，不望回報地幫你Book行程或準備旅行細節。
5..無時無刻有安全感
你同佢一齊會好有安全感，你會放心將你自己交比佢，那怕係迷路，佢都有辦法解決。呢一種安全感，係Soulmate獨有的。
6.不會以關係威脅對方
有啲人係一段關係入面，經常以關係來要求對方更重視自己，為自己付岀，但如果係Soulmate，會好重視呢段關係，唔會吓吓以破壞關係做要脅要求點方點點點，而係盡量做好自己，互相尊重。
相片來源： reaveria@tumblr
guangongtravel posted this